As ratas - A Quenlla

Do disco "Mais alá da néboa", é um poema de Luís Seoane adaptado por Manuel Maria.

As ratas. Luís Seoane (Poema original)

Na Galiza, ise vello pobo,

carballo carcomido de raios e bestigos,

loita, dende fai séculos,

o home cas ratas.

Coma nos castelos abandoados,

onde xa caíron traves e brasós,

escóitanse queixumes de gonzos ferruxentos.

Dende fai séculos loitan en Galiza

os homes cas ratas.

Vencendo sempre as ratas.

Ate que toda ela fique,

coma ises castelos roiñentos

e os mosteiros sin altares

nin lembranzas de ritos,

sendo soio rondada de morcegos

e pantasmas.

Coberta de edra, de Iabel.

Morándoa soio as ratas.

Somente as ratas.